Rrëfimi i pensionistes zvicerane që ka vendosur të jetojë në Kosovë

Rrëfimi i pensionistes zvicerane që ka vendosur të jetojë në Kosovë

Shumë zviceranë, për të kaluar “mbrëmjen e jetës” ose moshën pas pensionimit, zgjedhin Tajlandën, ku çmimet janë të lira dhe moti është i ngrohtë.
Por ndryshe ka menduar 76 vjeçarja Elisabeth Küchler nga Lucerni. Asaj i është dukur temperatura në Tajlandë shumë e nxehtë dhe ka vendosur që “moshën e tretë” ta kalojë në Kosovë.
“Kosova, me rastin e vizitës që ua pata bërë miqve të mi kosovarë, pata parë se nuk është larg nga Zvicra, as gjeografikisht e as për nga kushtet klimatike”.
Küchler është protagonistja e radhës në serinë e shkrimeve për Kosovën dhe luidhjet e saj me Zvicrën, që është duke e botuar gazeta Blick dhe portali përkatës (blick.ch).
Elisabeth ka pasur edhe një arsye të fortë, përveç asaj klimatike, për t`u vendosur në Kosovë, gjegjësisht në Livoç të Gjilanit: çmimet e ulëta në krahasim me ato në Zvicër, transmeton albinfo.ch “Me 1800 franga pension unë në Zvicër nuk mund të mbijetoja”, thotë në tarracën e shtëpisë së saj të madhe kosovare, zvicerania Elisabeth e cila veten e quan “refugjate ekonomike”. Për këtë ndryshim në jetën e saj ajo kishte vendosur para pesë vitesh.
Ish kolegët e punës, kosovarë, kishin bërë shaka me të, duke i thënë se më mirë do të ishte të vinte për të jetuar në Kosovë se sa në Tajlandë. Dhe, ajo nuk e kishte zgjatur shumë: kishte kontaktuar një arkitekt , kishte blerë një truall. “Kur ata e morën vesh se unë me të vërtetë do të shkoja, më shpallën për të krisur”, shkruan albinfo.ch.
Por, pensionistja tashmë e ka rregulluar mirë jetën e saj në Kosovë. Ajo jeton në një shtëpi të madhe, ka një pastruese dhe i njeh të gjithë në fshat. Por, një mungesë e ndjek edhe këtu: vetmia. Ajo kishte qenë e vetmuar edhe sa jetionte në Zvicër ndërsa këtu e ka problem të thyejë vetminë pasi që nuk e njeh gjuhën e rrethit. “Mësimi i një gjuhe të re në moshüen që kam, është praktikisht e pamundur. Ndërsa zviceranë në regjion nuk ka”.
Ndërkohë që gazetarët zhvillojnë intervistën me Elisabethën, dëgjohen krisma armësh. Por ajo nuk e prish fare qetësinë. “Është sezon dasmash, janë të shtëna gëzimi”, sqaron ajo dhe thitë se është mësuar tashmë, përcjell albinfo.ch. Por, shton ajo, vetëm me krismat e fishekzjarrëve të 31 dhjetorit, për festën e Vitit të Ri, nuk mund të mësohet. “më me qejf rri në shtëpi atë natë”.
Ndërsa për kthimin eventual në Zvicër ajo është e prerë: “vetëm në arkivol”. Kjo për faktin se nuk mund ta imagjinojë një varrim në Kosovë. “Unë jam katolike e bindur dhe këtë nuk e ndryshojnë as kosovarët”, thotë Elisabeth.


Related Articles

Shkrihuni së qeshuri, ja gjërat tipike që bën çdo shqiptar

Një shqiptar patjetër ka bërë një nga këto gjëra të listuara më poshtë. Pak mund t’i thonë jo byrekëve me

Gjeni nëntë kafshët e fshehura në foto, por nëse mund ta gjeni edhe burrin duke pirë cigare – atëherë jeni shumë inteligjent (Foto)

Mendoni se keni kujtesë të mirë dhe mund të mbani në mend shumë gjëra? Keni sy për detaje? Ju pëlqejnë

Tregimi mbi babain që i ishte afruar vdekja dhe si ua ndau trashëgiminë 4 djemve të tij

Tregohet se një i parë fisi dhe një burrë i moçëm kishte katër fëmijë. Duke ndjerë se ishte afruar goxha