Afrim Gashi: Vendimi jonë sot ishte një vendim që e përcakton të ardhmen e shumë gjeneratave

 

 

Kryetari i Lëvizjes BESA, Afrim Gashi, pas votimit të ndryshimeve kushtetuese në Kuvend, ka shkruar:

 

Të gjendur në këtë situatë, pas gjithë kësaj e thashë, unë ju ftoj ta kuptojmë se interesi jonë, edhe etnik edhe shtetëror, por edhe më gjerë në suaza gjeopolitike, realizohet dhe përputhet me implementimin e këtyre ndryshimeve kushtetuese dhe të mos harrojmë se vendimi jonë sot ishte një vendim që e përcakton të ardhmen e shumë gjeneratave. E neve nuk falej të jemi joseriozë dhe të papërgjegjshëm ndaj atyre. Sot ne kishim mundësi të dëshmojmë se, atëherë kur u shfaq sfida dhe përgjegjësia, në cilën anë ishim ne.

E, ne deputetët e Lëvizjes BESA sot ishim aty në sallë që të dëshmojmë se ne ishim dhe jemi PËR interesat strategjike shtetërore, por edhe PËR të ardhmen e ndritur të qytetarëve shqiptarë, të cilët ne i përfaqësojmë. Për neve nuk ka rrugë tjetër të mirëqenies, pos kësaj, andaj jemi këtu që ta ecim këtë rrugë dhe t’i ftojmë të gjithë të na bashkohen.