Facebook teston një mënyrë të re për postimin e videove

Facebook po teston një mënyrë të re për të postuar video, të quajtura Premieres, që ju lejon të postoni një klip të regjistruar më parë sikur të ishte një moment i gjallë, me të gjithë emojit lundruese dhe ndërveprimin e menjëhershëm që kjo qasje hapet.

Ky tipar do t’u lejojë njerëzve të përjetojnë video të reja – si trailer filmash, shfaqje të Facebook Watch ose klipe të rinj nga njerëzit që ndjekin – së bashku me ndjekësit e tjerë dhe në kohë reale, tha të mërkurën Fidji Simo, kreu i videove të kompanisë në një postim në profilin në Facebook.

Gjithashtu, do t’u lejojë ngarkuesve më shumë fleksibilitet se si debutojnë klipet e reja dhe u japin atyre më shumë mundësi për t’u angazhuar me publikun.

Gjatë dy viteve të fundit, Facebook i ka dhënë përparësi videove,veçanërisht videove të drejtpërdrejta- në krijimin e algoritmit për shfaqjen e tyre në krye të News Feed.

Rrjeti social ofron një audiencë pothuajse të pakrahasueshme, por Facebook Live ka pasur edhe problemet e saj. Ndërsa kompania i bëri mjetet e transmetimit më të aksesueshëm, skena dhune ose përmbajtje të pakëndshme u bënë më të zakonshme.

Simo tha të mërkurën se Facebook po teston Premieres me një grup video-krijuesish, botuesish dhe së shpejti do ta rishikojë atë më gjerësisht. /PCWorld Albanian/