Goditet nga makina një këmbësor në Reçicë të Tetovës

SPB Tetovë informon se dje (2-janar) rreth orës 17:00, në rrugën regjionale Tetovë-Pirok, saktësisht në Reçicë të Madhe, vetura e tipit “Seat Leon” me targa të Tetovës, e drejtuar nga 45-vjeçari E.P nga Reçica e Vogël, ka aksidentuar këmbësorin 73-vjeçar A.A nga Reçica e Madhe.

Nga goditja me makinë këmbësori A.A ka marrë lëndime të rënda trupore, dhe me veturë tjetër është dërguar në Spitalin klinik të Tetovës, ku pas dhënies së ndihmës mjekësore, është transferuar në klinikat e Shkupit.

Janë kryer këqyrje në vendin e ngjarjes, dhe punohet në përcaktimin e shkakut si dhe rrethanat lidhur me këtë aksident.